ಸೋರೆಕಾಯಿ ಪಾಯಸ

ಬೇಕಾಗುವ ಸಾಮಾಗ್ರಿಗಳು : -
ಸೋರೆಕಾಯಿ 1/4ಕೆಜಿ
ಹೆಸರುಬೇಳೆ – 1 ಲೋಟ
ಸಕ್ಕರೆ – 1/2ಲೋಟ
ಹಸುವಿನ ಹಾಲು – 1 ಲೋಟ
ಏಲಕ್ಕಿ – 2 ಎಸಳು

ಮಾಡುವ ವಿಧಾನ : - 

ಹೆಸರುಬೇಳೆಯನ್ನು ಚೆನ್ನಾಗಿ ಬೇಯಿಸಿ ಇಡಿ. ಸೋರೆಕಾಯಿಯನ್ನು ಸಿಪ್ಪೆ ತೆಗೆದು ಸಣ್ಣಗೆ ಹಚ್ಚಿ ಬೇಯಿಸಿಟ್ಟ ಹೆಸರು ಬೇಳೆಯೊಂದಿಗೆ ಹಾಕಿ ಬೇಯಿಸಿ. ಇದಕ್ಕೆ ಹಾಲು ಮತ್ತು ಸಕ್ಕರೆ ಹಾಕಿ ಕುದಿಸಿರಿ. ಕೊನೆಯಲ್ಲಿ ಏಲಕ್ಕಿ ಪುಡಿ ಮಾಡಿ ಹಾಕಿ ಮುಚ್ಚಿಡಿ. ಈಗ ಸೋರೆಕಾಯಿ ಪಾಯಸ ಸವಿಯಲು ಸಿದ್ಧ.

ಹಸುವಿನ ಹಾಲಿನ ಬದಲು ತೆಂಗಿನ ಕಾಯಿ ಹಾಲು ಹಾಗೂ ಸಕ್ಕರೆ ಬದಲು ಬೆಲ್ಲ ಹಾಕಿಯೂ ಮಾಡಬಹುದು.