ಗುಳ್ಳ (ಬದನೆ) ಪಲ್ಯ

ಬೇಕಾಗುವ ಸಾಮಾಗ್ರಿಗಳು : -
ಗುಳ್ಳ – 2
ಉಪ್ಪು – ರುಚಿಗೆ ತಕ್ಕಷ್ಟು
ಹುಣಿಸೆಹುಳಿ - ನೆಲ್ಲಿಕಾಯಿ ಗಾತ್ರದಷ್ಟು
ಬೆಲ್ಲ - ಲಿಂಬೆ ಗಾತ್ರದಷ್ಟು
ಸಾಂಬಾರ್ ಪುಡಿ – 4 ಚಮಚ
ಕರಿಬೇವು ಸೊಪ್ಪು – 2 ಎಸಳು

ಒಗ್ಗರಣೆಗೆ: -
ಎಣ್ಣೆ, ಸಾಸಿವೆ, ಮೆಣಸು, ಕರಿಬೇವು ಸೊಪ್ಪು.

ಮಾಡುವ ವಿಧಾನ : - 

ಗುಳ್ಳವನ್ನು ತೆಳುವಾಗಿ ಹಚ್ಚಿ ನೀರಿನಲ್ಲಿ ಹಾಕಿಡಿ. ಬಾಣಲೆಯಲ್ಲಿ ಎಣ್ಣೆ, ಸಾಸಿವೆ, ಮೆಣಸು, ಕರಿಬೇವು ಸೊಪ್ಪು ಹಾಕಿ ಒಗ್ಗರಣೆ ರೆಡಿ ಮಾಡಿ. ಸಾಸಿವೆ ಸಿಡಿದ ನಂತರ ಹಚ್ಚಿಟ್ಟ ಗುಳ್ಳವನ್ನು ನೀರಿನಿಂದ ತೆಗೆದು ಬಾಣಲೆಗೆ ಹಾಕಿ ಮಗಿಚುತ್ತಾ ಇರಿ. ನೀರು ಹಾಕಬಾರದು. ಇದಕ್ಕೆ ಉಪ್ಪು, ಹುಳಿ ನೀರು ಮತ್ತು ಬೆಲ್ಲ ಹಾಕಿ ಮಗುಚಿ. ಗುಳ್ಳ ಬೇಯುತ್ತ ಬಂದಾಗ ಸಾಂಬಾರಿನ ಹುಡಿ ಹಾಕಿ ಎಲ್ಲೆಡೆ ಹರಡುವಂತೆ ಮಿಶ್ರ ಮಾಡಿ ಒಲೆಯಿಂದ ಕೆಳಗಿರಿಸಿ ಮುಚ್ಚಿಡಿ. ಪಲ್ಯ ರೆಡಿ.