ಹುರುಳಿ ಸಾರು

ಬೇಕಾಗುವ ಸಾಮಾಗ್ರಿಗಳು : -
ಹುರುಳಿ ಕಾಳು   – 1 ಲೋಟ
ಹಸಿಮೆಣಸಿನಕಾಯಿ – 4
ಇಂಗು - ಹುಣಿಸೆಬೇಜದಷ್ಟು
ಉಪ್ಪು – ರುಚಿಗೆ ಬೇಕಷ್ಟು
ಹುಣಿಸೆ ಹುಳಿ - ನೆಲ್ಲಿಕಾಯಿ ಗಾತ್ರದಷ್ಟು

ಒಗ್ಗರಣೆಗೆ : - 
ಬೆಳ್ಳುಳ್ಳಿ, ಸಾಸಿವೆ, ಮೆಣಸು, ಕರಿಬೇವು ಸೊಪ್ಪು

ಮಾಡುವ ವಿಧಾನ : -

ಹುರುಳಿ ಕಾಳನ್ನು ಕುಕ್ಕರಿನಲ್ಲಿ ಹಾಕಿ ಚೆನ್ನಾಗಿ ಬೇಯಿಸಿ. ಬೇಯಿಸಿದ ಹುರುಳಿ ಕಾಳನ್ನು ತಣಿದ ನಂತರ ಮಿಕ್ಸಿಗೆ ಹಾಕಿ ರುಬ್ಬಿ ನೀರು ಮಾಡಿ ಸೋಸಿ ಪಾತ್ರೆಗೆ ಹಾಕಿ ಒಲೆಯ ಮೇಲಿಡಿ ಇದಕ್ಕೆ ಉಪ್ಪು, ಹುಣಿಸೆಹುಳಿ, ಸಣ್ಣತುಂಡು ಬೆಲ್ಲ, ಅರಶಿನದ ಹುಡಿ ಹಾಗೂ ಸೀಳು ಮಾಡಿದ ಹಸಿಮೆಣಸಿನಕಾಯಿ ಇವೆಲ್ಲವನ್ನೂ ಹಾಕಿ ಚೆನ್ನಾಗಿ ಕುದಿಸಿರಿ. ಇಂಗು ನೀರು ಬೆರೆಸಿರಿ. ಈಗ ಒಗ್ಗರಣೆ ಮಾಡಿ ಬೆಳ್ಳುಳ್ಳಿಯನ್ನು ಜಜ್ಜಿ ಒಗ್ಗರಣೆಗೆ ಹಾಕಿ. ಈ ಬೆಳ್ಳುಳ್ಳಿ ಒಗ್ಗರಣೆಯನ್ನು ಈಗಾಗಲೇ ಕುದಿಸಿಟ್ಟ ಹುರುಳಿ ಸಾರಿಗೆ ಹಾಕಿ ಮುಚ್ಚಿಡಿ. ಘಮಘಮಿಸುವ ಹುರುಳಿ ಸಾರು ರೆಡಿ.

ತುಂಬ ಹುರುಳಿ ಕಾಳನ್ನು ಹಾಕಿ ಬೇಯಿಸಿದರೆ ಅದರ ನೀರು ಮಾತ್ರ ಸಾಕಗುತ್ತದೆ. ಹುರುಳಿ ಕಾಳು ಸ್ವಲ್ಪವೇ ಹಾಕಿದರೆ ಬೆಯಿಸಿದ ಮೇಲೆ ರುಬ್ಬಿಕೊಳ್ಳಿ. ಸಾರು ಸ್ವಲ್ಪ ದಪ್ಪಗಾಗುತ್ತದೆ. 

ಇನ್ನೊಂದು ವಿಧಾನ :-

ಎಲ್ಲಾ ಮೇಲಿನಂತೆಯೇ ಆದರೆ ಹಸಿಮೆಣಸಿನ ಬದಲು ಸಾರಿನ ಪುಡಿ 2 ಚಮಚ ಹಾಕಿ ಕುದಿಸಿರಿ. ಇನ್ನೊಂದು ರುಚಿಯ ಸಾರು ಸಿದ್ಧ.