ಬಾಂಬೆರವೆ ಪಾಯಸ

ಬೇಕಾಗುವ ಸಾಮಾಗ್ರಿಗಳು: - 

ಬಾಂಬೆರವೆ - 100 ಗ್ರಾಂ

ಸಕ್ಕರೆ - 100 ಗ್ರಾಂ

ತುಪ್ಪ - 4 ಚಮಚ

ಹಾಲು - 1 ಲೋಟ

ಮಾಡುವ ವಿಧಾನ: -

ಬಾಣಲೆಯಲ್ಲಿ ಬಾಂಬೆ ರವೆಯನ್ನು ಹಾಕಿ ತುಪ್ಪದಲ್ಲಿ ಹುರಿಯಿರಿ. ಇದಕ್ಕೆ ಹಾಲು ಸೇರಿಸಿ ಬೇಯಿಸಿ 1 ಲೋಟದಷ್ಟು ನೀರನ್ನು ಹಾಕಿ ಕುದಿಸಿರಿ. ರವೆ ಬೆಂದ ನಂತರ ಸಕ್ಕರೆಯನ್ನು ಹಾಕಿ ಚೆನ್ನಾಗಿ ಕುದಿಸಿರಿ. ಈಗ ರವೆ ಪಾಯಸ ಕುಡಿಯಲು ಸಿದ್ಧ. 

ಪ್ರತಿದಿನ 1 ಲೋಟ ರವೆ ಪಾಯಸ ಕುಡಿಯುವುದರಿಂದ ಮಹಿಳೆಯರ ಬೆನ್ನು ನೋವಿನ ಸಮಸ್ಯೆ ದೂರವಾಗುತ್ತದೆ. ಮತ್ತು ಸಣ್ಣಗಿರುವವರು ದಪ್ಪಗಾಗಲು ಇದು ತುಂಬಾ ಸಹಕಾರಿ. ಪ್ರತಿದಿನ ತಪ್ಪದೆ ಕುಡಿದರೆ ಮಾತ್ರ ಪರಿಹಾರ ಸಿಗುತ್ತದೆ. ಕೆಲವು ಕಡೆ ಬಾಣಂತಿಯರಿಗೆ ಇದನ್ನು ಪ್ರತಿದಿನ ಕೊಡಲಾಗುತ್ತದೆ. ಇದು ಔಷಧ ರೂಪದ ಪಾಯಸ.

ರುಚಿಗೋಸ್ಕರ ಬಳಸುವುದಾದಲ್ಲಿ ಇದಕ್ಕೆ ನೀರು ಬೆರೆಸದೆ ಕೇವಲ ಹಾಲಿನಿಂದ ಕುದಿಸಿ ಇದಕ್ಕೆ ಗೋಡಂಬಿ, ಏಲಕ್ಕಿ ಪುಡಿಯನ್ನು ಹಾಕಿ ಮತ್ತು ಕೇಸರಿ ದಳಗಳನ್ನೂ ಸೇರಿಸಬಹುದು. ಇದು ವಿಶಿಷ್ಟ ಸ್ವಾದಭರಿತವಾಗಿರುತ್ತದೆ. 

ಪ್ರತಿದಿನ ತಯಾರಿಸಲು ಸುಲಭವಾಗಬೇಕಾದಲ್ಲಿ ರವೆಯನ್ನು ಹುರಿದು ಬಾಟಲಿಯಲ್ಲಿ ಹಾಕಿಡಿ. ಈ ಹುರಿದಿಟ್ಟ ರವೆಯನ್ನು ದಿನಂಪ್ರತಿ 2 ಚಮಚ ತೆಗೆದು ಒಂದು ಲೋಟ ಹಾಲು ಬೆರೆಸಿ 4 ಚಮಚ ಸಕ್ಕರೆ ಹಾಕಿ ಕುದಿಸಿ ಕುಡಿಯಿರಿ. ಆರೋಗ್ಯಕ್ಕೂ ಉತ್ತಮ, ತಯಾರಿಸಲೂ ಸುಲಭ. 

ನಿಮ್ಮ ಸ್ನೇಹಿತರೊಂದಿಗೆ ಶೇರ್ ಮಾಡಿ.