ಚುರುಮುರಿ

ಬೇಕಾಗುವ ಸಾಮಾಗ್ರಿಗಳು:- 

ಮುಂಡಕ್ಕಿ                  – 1 ಸೇರು (5 ಜನರ ಅಳತೆ)
ಈರುಳ್ಳಿ                     – 2
ಕ್ಯಾರೆಟ್                – 1

ಮೆಣಸಿನ ಹುಡಿ            – 1/2 ಚಮಚ

ಕೊತ್ತಂಬರಿ ಪುಡಿ          –  1/2 ಚಮಚ
ಉಪ್ಪು                         –  ರುಚಿಗೆ ತಕ್ಕಷ್ಟು
ಕೊಬ್ಬರಿ ಎಣ್ಣೆ              –  4 ಚಮಚ
ಕೊತ್ತಂಬರಿ ಸೊಪ್ಪು      –  ಸ್ವಲ್ಪ

ಮಾಡುವ ವಿಧಾನ: - 

ಈರುಳ್ಳಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಸಣ್ಣಗೆ ಹೆಚ್ಚಿ ಇಟ್ಟುಕೊಳ್ಳಿ, ಕ್ಯಾರೇಟ್‍ನ್ನು ತುರಿಯಿರಿ. ಇವೆಲ್ಲವನ್ನೂ ಒಂದು ಪಾತ್ರೆಗೆ ಹಾಕಿ ನಂತರ ಮೆಣಸಿನ ಹುಡಿ, ಉಪ್ಪು, ಕೊತ್ತಂಬರಿ ಪುಡಿ ಮತ್ತು ಕೊಬ್ಬರಿ ಎಣ್ಣೆಯನ್ನು ಹಾಕಿ ಎಲ್ಲವನ್ನೂ ಚೆನ್ನಾಗಿ ಕಲಕಿ ಮಿಶ್ರಣ ಮಾಡಿ. ಈ ಮಿಶ್ರಣಕ್ಕೆ ಮುಂಡಕ್ಕಿಯನ್ನು ಹಾಕಿ ಚೆನ್ನಾಗಿ ಮಿಶ್ರ ಮಾಡಿ ಪ್ಲೇಟ್‍ಗೆ ಹಾಕಿ ಸ್ವಲ್ಪ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ಸವಿಯಲು ಕೊಡಿ.  ಇದಕ್ಕೆ ಟೊಮೇಟೊವನ್ನು ಸಣ್ಣಸಣ್ಣ ತುಂಡುಗಳಾಗಿ ಕತ್ತರಿಸಿ ಹಾಕಬಹುದು ಮತ್ತು 1 ಚಮಚ ಸಕ್ಕರೆಯನ್ನೂ ಬೆರೆಸಬಹುದು. ಇದು ಸ್ವಲ್ಪ ಸಿಹಿಸಿಹಿಯಾಗಿ ತಿನ್ನಲು ರುಚಿಕರವಾಗಿರುತ್ತದೆ.

ನಿಮ್ಮ ಸ್ನೇಹಿತರೊಂದಿಗೆ ಶೇರ್ ಮಾಡಿ.