ಮಸಾಲೆ ಕಡ್ಲೆ

ಬೇಕಾಗುವ ಸಾಮಾಗ್ರಿಗಳು: - 

ಹಸಿನೆಲಕಡಲೆ - ¼ ಕೆಜಿ

ಈರುಳ್ಳಿ - 1

ಕ್ಯಾರೆಟ್ - 1

ಟೊಮೇಟೊ - 1

ಕೊತ್ತಂಬರಿಸೊಪ್ಪು - ಸ್ವಲ್ಪ

ಉಪ್ಪು - ರುಚಿಗೆ ಬೇಕಷ್ಟು

ಮೆಣಸಿನ ಹುಡಿ - 1 ಚಮಚ

ಕೊಬ್ಬರಿ ಎಣ್ಣೆ - 1 ಚಮಚ

ಮಾಡುವ ವಿಧಾನ: -

ಹಸಿನೆಲಗಡಲೆಯನ್ನು ಸ್ವಲ್ಪ ಉಪ್ಪು ಹಾಕಿ ಬೇಯಿಸಿ (ಕುಕ್ಕರಿನಲ್ಲಿ ಹಾಕಿಯೂ ಬೇಯಿಸಬಹುದು). ಈರುಳ್ಳಿ, ಕೊತ್ತಂಬರಿ ಸೊಪ್ಪು, ಟೊಮೇಟೊಗಳನ್ನು ಸಣ್ಣಗೆ ಹಚ್ಚಿ ಪಾತ್ರೆಗೆ ಹಾಕಿಟ್ಟುಕೊಳ್ಳಿ. ಕ್ಯಾರೆಟನ್ನು ತುರಿದು ಇದೇ ಪಾತ್ರೆಗೆ ಹಾಕಿ. ಇದಕ್ಕೆ ಉಪ್ಪು, ಕೊಬ್ಬರಿ  ಎಣ್ಣೆ ಮತ್ತು ಮೆಣಸಿನ ಹುಡಿ ಎಲ್ಲವನ್ನು ಹಾಕಿ ಮಿಶ್ರಮಾಡಿ. ಈ ಮಿಶ್ರಣಕ್ಕೆ ಬೇಯಿಸಿಟ್ಟ ನೆಲಕಡಲೆಯನ್ನು ಹಾಕಿ ಮಿಕ್ಸ್ ಮಾಡಿ ತಿನ್ನಲು ಕೊಡಿ. ಖಾರ ಇಷ್ಟ ಪಡುವವರು ಮೆಣಸಿನ ಹುಡಿಯ ಪ್ರಮಾಣವನ್ನು ಹೆಚ್ಚಿಗೆ ಮಾಡಬಹುದು ಮತ್ತು ಸಿಹಿ ಇಷ್ಟ ಪಡುವವರು ಒಂದು ಚಮಚ ಸಕ್ಕರೆಯನ್ನು ಹಾಕಬಹುದು. ಸಂಜೆ ಕಾಫಿಯೊಂದಿಗೆ ಸವಿಯಲು ಕೊಡಿ. 

ನಿಮ್ಮವರೊಂದಿಗೆ ಶೇರ್ ಮಾಡಿ.