ಪುನರಪುಳಿ(ಕೋಕಂ) ಸಾರು

ಬೇಕಾಗುವ ಸಾಮಾಗ್ರಿಗಳು : -
ಪುನರಪುಳಿ    - 8
ಬೆಲ್ಲ - 100 ಗ್ರಾಂ
ಉಪ್ಪು - ರುಚಿಗೆ ಬೇಕಷ್ಟು
ಬೆಳ್ಳುಳ್ಳಿ - 10 ಎಸಳು
ಸಾರಿನ ಹುಡಿ - 2 ಚಮಚ
ಅರಶಿನ - ಸ್ವಲ್ಪ

ಮಾಡುವ ವಿಧಾನ:-

ಒಂದು ಪಾತ್ರೆಯಲ್ಲಿ ಪುನರಪುಳಿಯನ್ನು 4 ಲೋಟ ನೀರು ಹಾಕಿ ಬೇಯಲು ಇಡಿ. ಇದಕ್ಕೆ ಉಪ್ಪು, ಬೆಲ್ಲ ಅರಶಿನಹುಡಿ ಹಾಕಿ ಕುದಿಸಿ. ನಂತರ ಸಾರಿನ ಹುಡಿ ಹಾಕಿ ಸ್ವಲ್ಪ ಕುದಿ ಬಂದ ನಂತರ ಕೊನೆಯಲ್ಲಿ ಕರಿಬೇವು ಸೊಪ್ಪು ಹಾಕಿ ಒಲೆಯಿಂದ ಕೆಳಗಿರಿಸಿ ಮುಚ್ಚಿಡಿ. ಈಗ ಒಗ್ಗರಣೆ ಸೌಟಿನಲ್ಲಿ ಬೆಳ್ಳುಳ್ಳಿಯನ್ನು ಸಿಪ್ಪೆ ತೆಗೆದು ಜಜ್ಜಿ ಹಾಕಿ ಎಣ್ಣೆಯೊಂದಿಗೆ ಕರಿಯಿರಿ. ಇದು ಕಾಯುತ್ತಾ ಬಂದಾಗ ಸಾಸಿವೆ ಮೆಣಸು, ಕರಿಬೇವು ಹಾಕಿ ಈ ಒಗ್ಗರಣೆಯನ್ನು ಸಾರಿಗೆ ಹಾಕಿ ಮುಚ್ಚಿಡಿ. ರುಚಿಯಾದ ಸಾರು ರೆಡಿ. ಇದು ಆರೋಗ್ಯಕ್ಕೂ ಉತ್ತಮ.

ನಿಮ್ಮ ಸ್ನೇಹಿತರೊಂದಿಗೆ ಶೇರ್ ಮಾಡಿ.