ಉದ್ದಿನ ವಡೆ

ಬೇಕಾಗುವ ಸಾಮಾಗ್ರಿಗಳು: - 
ಉದ್ದಿನ ಬೇಳೆ    - 1 ಲೋಟ
ಹಸಿಮೆಣಸು - 4
ಶುಂಠಿ - ಸಣ್ಣ ತುಂಡು
ಕರಿಬೇವುಸೊಪ್ಪು    - 2 ಎಸಳು
ಉಪ್ಪು - ರುಚಿಗೆ ತಕ್ಕಷ್ಟು
ಎಣ್ಣೆ (ಕರಿಯಲು) - 1/2 ಲೀಟರ್
ಇಂಗು ನೀರು - ಸ್ವಲ್ಪ

ಮಾಡುವ ವಿಧಾನ : -

ಉದ್ದಿನ ಬೇಳೆಯನ್ನು 2 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ ಇಡಿ. ನಂತರ ತೊಳೆದು ಸಂಪೂರ್ಣ ನೀರನ್ನು ಚೆಲ್ಲಿ ಮಿಕ್ಸಿಗೆ ಹಾಕಿ ಗಟ್ಟಿಯಾಗಿ ರುಬ್ಬಿ. ಇಂಗು ನೀರನ್ನು ಸೇರಿಸಿ ರುಬ್ಬಿ. ನಂತರ ಉಪ್ಪು ಹಾಕಿ ಪುನಃ ರುಬ್ಬಿ. ಈ ಹಿಟ್ಟನ್ನು ಒಂದು ಪಾತ್ರೆಗೆ ಹಾಕಿ ಇಡಿ. ನಂತರ ಹಸಿಮೆಣಸು, ಶುಂಠಿ, ಕರಿಬೇವುಸೊಪ್ಪು ಇವೆಲ್ಲವನ್ನು ಸಣ್ಣದಾಗಿ ಹೆಚ್ಚಿ ಈ ಹಿಟ್ಟಿಗೆ ಸೇರಿಸಿ ಸರಿಯಾಗಿ ಮಿಶ್ರವಾಗುವಂತೆ ಕಲಸಿ.  ಒಲೆಯ ಮೇಲೆ ಬಾಣಲೆಯಲ್ಲಿ ಎಣ್ಣೆಯನ್ನು ಕಾಯಲು ಇಡಿ. ಎಣ್ಣೆ ಕಾದ ನಂತರ ಈ ಹಿಟ್ಟನ್ನು ಸ್ವಲ್ಪ ಸ್ವಲ್ಪವೇ ಕೈಯಲ್ಲಿ ತೆಗೆದು ಗೋಲಿಯಾಕಾರದಲ್ಲಿ ಎಣ್ಣೆಯಲ್ಲಿ ಬಿಟ್ಟು ಮಗುಚುತ್ತಾ ಇರಿ.  ಸರಿಯಾಗಿ ಕಾದ ನಂತರ ತೆಗೆದಿಡಿ. ಇದು ಬಿಸಿ ಇರುವಾಗಲೇ ಚಟ್ನಿಯೊಂದಿಗೆ ತಿನ್ನಲು ಬಲುರುಚಿ. 

ನಿಮ್ಮ ಸ್ನೇಹಿತರು ಮತ್ತು ಬಳಗದವರೊಂದಿಗೆ ಶೇರ್ ಮಾಡಿ. 

ಕಮೇಂಟ್ಸ್ ಹಾಕಿ ಸಲಹೆ - ಸೂಚನೆಗಳನ್ನು ಕೊಡಿ.