ಪೂರಿ-ಸಾಗು

ಬೇಕಾಗುವ ಸಾಮಾಗ್ರಿಗಳು : -
ಗೋಧಿ ಹಿಟ್ಟು – 1/4ಕೆಜಿ
ಬಟಾಟೆ –2
ಕ್ಯಾರೆಟ್ – 1
ಬೀನ್ಸ್ – 10
ತೆಂಗಿನಕಾಯಿ ತುರಿ – 1ಕಪ್
ಗರಂ ಮಸಾಲೆ ಪುಡಿ – 2 ಚಮಚ
ಉಪ್ಪು - ರುಚಿಗೆ ಬೇಕಷ್ಟು
ಎಣ್ಣೆ – 1/2 ಲೀಟರ್

ಪೂರಿ ಮಾಡುವ ವಿಧಾನ : -

ಗೋಧಿ ಹಿಟ್ಟನ್ನು ಸ್ವಲ್ಪ ಉಪ್ಪು ಹಾಕಿ ಚಪಾತಿ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಾಗಿರುವಂತೆ ಕಲಸಿ. ಸಣ್ಣ ಸಣ್ಣ ಉಂಡೆಗಳಾಗಿ ಮಾಡಿ ಲಟ್ಟಿಸಿ ಎಣ್ಣೆಯಲ್ಲಿ ಕರಿಯಿರಿ. ಈಗ ಉಬ್ಬಿದ ಪೂರಿ ರೆಡಿ.

ಸಾಗು ಮಾಡುವ ವಿಧಾನ : -

ಬಟಾಟೆ, ಕ್ಯಾರೆಟ್, ಬೀನ್ಸ್ ಇವೆಲ್ಲವನ್ನೂ ಸಣ್ಣಗೆ ಹಚ್ಚಿ ಬೇಯಿಸಿ. ತೆಂಗಿನಕಾಯಿ ತುರಿಯೊಂದಿಗೆ ಗರಂ ಮಸಾಲೆ ಪುಡಿ ಬೆರೆಸಿ ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ರುಬ್ಬಿ ಬೇಯಿಸಿಟ್ಟ ತರಕಾರಿಗೆ ಹಾಕಿ ಉಪ್ಪು ಹಾಕಿ ಚೆನ್ನಾಗಿ ಕುದಿಸಿರಿ. ಹುಳಿಯ ಬದಲು ಒಂದು ಟೊಮೇಟೊ ಕತ್ತರಿಸಿ ಹಾಕಿ. ಈಗ ಸಾಗೂ ರೆಡಿ. ತರಕಾರಿಯೊಂದಿಗೆ ಬಟಾಣಿ ಕಾಳು ಹಾಕಿದರೆ ಇನ್ನೂ ರುಚಿಯಾಗಿರುತ್ತದೆ. 

ತೆಂಗಿನ ಕಾಯಿ ತುರಿಯೊಂದಿಗೆ ಗರಂ ಮಸಾಲೆ ಜೊತೆ ಸಣ್ಣ ತುಂಡು ಶುಂಠಿ ಮತ್ತು ಚೆಕ್ಕೆ ಹಾಕಿ ರುಬ್ಬಿ, ತರಕಾರಿಯೊಂದಿಗೆ ಕುದಿಸಿದರೆ ಸಾಗುವಿನ ರುಚಿಯು  ಇನ್ನಷ್ಟು ಹೆಚ್ಚುತ್ತದೆ.