ಮೆಂತೆ ಸೊಪ್ಪಿನ ದೋಸೆ

ಬೇಕಾಗುವ ಸಾಮಾಗ್ರಿಗಳು : -
ಮೆಂತೆಸೊಪ್ಪು – 1 ಕಟ್ಟು
ಬೆಳ್ತಿಗೆ ಅಕ್ಕಿ – 1 ಲೋಟ
ತೆಂಗಿನಕಾಯಿ ತುರಿ – 1ಕಪ್
ಉಪ್ಪು – ರುಚಿಗೆ ಬೇಕಷ್ಟು
ಬೆಲ್ಲ - ಲಿಂಬೆಗಾತ್ರದಷ್ಟು
ಈರುಳ್ಳಿ – 1
ಒಣ ಮೆಣಸು - 4

 ಮಾಡುವ ವಿಧಾನ : -

ಅಕ್ಕಿಯನ್ನು 2 ಗಂಟೆಗಳ ಕಾಲ ನೀರಿನಲ್ಲಿ ನೆನೆಯಿಸಿ, ಚೆನ್ನಾಗಿ ತೊಳೆದು ಇದರೊಂದಿಗೆ ತೆಂಗಿನ ತುರಿ, ಉಪ್ಪು, ಬೆಲ್ಲ, ಈರುಳ್ಳಿ ಮತ್ತು ಒಣಮೆಣಸು ಇವೆಲ್ಲವನ್ನೂ ಒಟ್ಟಾಗಿ ಮಿಕ್ಸಿಗೆ ಹಾಕಿ ರುಬ್ಬಿ ದೋಸೆ ಹಿಟ್ಟಿನ ಹದದಷ್ಟು ನೀರು ಮಾಡಿಕೊಳ್ಳಿ. ಮೆಂತೆ ಸೊಪ್ಪನ್ನು ಚೆನ್ನಾಗಿ ತೊಳೆದು ದಂಟಿನಿಂದ ಬೇರ್ಪಡಿಸಿ, ಸೊಪ್ಪನ್ನು ಸಣ್ಣಗೆ ಹಚ್ಚಿ ರುಬ್ಬಿಟ್ಟ ದೋಸೆ ಹಿಟ್ಟಿಗೆ ಸೇರಿಸಿ ಮಿಕ್ಸ್ ಮಾಡಿ. ಈ ಹಿಟ್ಟನ್ನು ದೋಸೆ ಕಾವಲಿಯಲ್ಲಿ ನೀರು ದೋಸೆ ಹಾಕಿದಂತೆ ಹಾಕಿ ಎರಡೂ ಕಡೆ ಕಾಯಿಸಿ. ಬಿಸಿಬಿಸಿ ಇರುವಾಗಲೇ ಸವಿಯಿರಿ. 

ಇದು ರುಚಿಯಾಗೂ ಇರುತ್ತದೆ ಮತ್ತು ಆರೋಗ್ಯಕರವೂ ಹೌದು.