ಬಾಳೆಕಾಯಿ ಚಿಪ್ಸ್

ಬೇಕಾಗುವ ಸಾಮಾಗ್ರಿಗಳು : -
ನೇಂದ್ರ ಬಾಳೆಕಾಯಿ – 4
ಉಪ್ಪು – ರುಚಿಗೆ ಬೇಕಷ್ಟು
ಮೆಣಸಿನ ಹುಡಿ – 2 ಚಮಚ 
ಅರಶಿನದ ಹುಡಿ – 1 ಚಮಚ
ಇಂಗು ನೀರು – 1 ಚಮಚ
ಎಣ್ಣೆ – 1/2 ಲೀಟರ್

ಮಾಡುವ ವಿಧಾನ : 

ಬಾಳೆಕಾಯಿಯನ್ನು ತೆಳುವಾಗಿ ಗಾಲಿಯಾಕಾರದಲ್ಲಿ ಕತ್ತರಿಸಿ ಇಟ್ಟುಕೊಳ್ಳಿ. ಮೆಣಸಿನ ಹುಡಿ, ಅರಶಿನದ ಹುಡಿ, ಉಪ್ಪು, ಇಂಗು ಇವೆಲ್ಲವನ್ನೂ  ಸ್ವಲ್ಪ ನೀರು ಬೆರೆಸಿ ಮಿಶ್ರಣ ಮಾಡಿ ಇಟ್ಟುಕೊಳ್ಳಿ. ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಕಾಯಲು ಬಿಡಿ. ಎಣ್ಣೆ ಕಾದನಂತರ ಕತ್ತರಿಸಿಟ್ಟ ಸ್ವಲ್ಪ ಬಾಳೆಕಾಯಿಯನ್ನು ಎಣ್ಣೆಗೆ ಹಾಕಿ ಕರಿಯಿರಿ. ಅರ್ಧ ಬೇಯುವಾಗ ಮಿಶ್ರಣ ಮಾಡಿಟ್ಟ ಉಪ್ಪು, ಮೆಣಸು, ಇಂಗು, ಅರಶಿನದ ನೀರನ್ನು ಸ್ವಲ್ಪ ಸ್ವಲ್ಪವೇ ಕೈಯಿಂದ ತೆಗೆದು ಅದಕ್ಕೆ ಚಿಮುಕಿಸಿರಿ. ಪುನಃ ಮಗುಚಿ. ಬಾಳೆಕಾಯಿ ಗರಿಗರಿಯಾದಾಗ ಎಣ್ಣೆಯಿಂದ ತೆಗೆದಿರಿಸಿ. ಈಗ ಬಾಳೆಕಾಯಿ ಚಿಪ್ಸ್ ತಿನ್ನಲು ರೆಡಿ. 

ಸಿಹಿಗೆಣಸು, ಬಟಾಟೆ ಅಥವಾ ದೀವಿಹಲಸಿನಕಾಯಿ (ಜೀಗುಜ್ಜೆ) ಇದರಿಂದಲೂ ಇದೇ ಮಾದರಿಯಲ್ಲಿ ಚಿಪ್ಸ್ಗಳನ್ನು ತಯಾರಿಸಬಹುದು.